کینیڈا نے بہاماس کے خلاف شاندار فتح حاصل کر کے آئی سی سی مینز ٹی 20 ورلڈ کپ 2026 کیلئے کوالیفائی کر لیا۔
کینیڈا نے بہاماس کو صرف 57 رنز پر ڈھیر کر دیا، کینیڈا نے کوالیفائر مرحلے میں تمام 5 میچز جیت کر ناقابل شکست رہتے ہوئے ورلڈ کپ میں جگہ بنائی۔
کلیم ثنا اور شیوم شرما نے 3،3 وکٹیں حاصل کیں، جبکہ دلپریت باجوا نے 14 گیندوں پر ناقابل شکست 36 رنز بنا کر صرف 5.3 اوورز میں ہدف حاصل کر لیا۔
کینیڈا ان 11 ٹیموں میں شامل ہوگیا ہے جو پہلے ہی ٹی 20 ورلڈ کپ 2026 کیلئے کوالیفائی کر چکی ہیں، جن میں بھارت، سری لنکا، افغانستان، آسٹریلیا، بنگلا دیش، انگلینڈ، جنوبی افریقہ، امریکا، ویسٹ انڈیز، آئرلینڈ، نیوزی لینڈ اور پاکستان شامل ہیں۔
باقی 7 ٹیموں کا فیصلہ یورپ، افریقہ اور ایشیا کے ریجنل کوالیفائرز کے ذریعے کیا جائے گا، ٹی 20 ورلڈ کپ 2026 بھارت اور سری لنکا میں کھیلا جائے گا۔
