افغانستان نے پانچویں ایشین تائیکوانڈو چیمپئن شپ جیت لی جبکہ پاکستانی ٹیم دوسرے نمبر پر رہی۔
تفصیلات کے مطابق پانچویں ایشین تائیکوانڈو چیمپئن شپ جیت میں افغانستان نے ایونٹ میں دو سونے اور دو چاندی کے تمغے حاصل کیے جبکہ دو سونے اور ایک چاندی کے تمغے کے ساتھ پاکستانی ٹیم دوسرے نمبر پر رہی۔
چیمپین شپ میں تیسرا نمبر قازقستان کا رہا جس نے ایک سونے کا تمغہ جبکہ چار چاندی کے تمغے حاصل کیے۔ قازقستان ویمن ٹیم نے چار سونے، ایک چاندی اور تین کانسی کے تمغے جیتے۔ ایک سونے اور دو چاندی کے تمغوں کے ساتھ برطانیہ ویمن ٹیم کا دوسرا نمبر رہا۔
ایران ایک سونے اور ایک چاندی کے تمغوں کے ساتھ تیسرے نمبر پر آیا۔ اختتامی تقریب میں ایشین تائیکوانڈو یونین کے صدر اور اسکواش لیجنڈ جہانگیر خان کے علاوہ قازقستان اور نیپال کے سفیروں نے خصوصی شرکت کی۔
