وفاقی وزیر خزانہ محمد اورنگزیب کا کہنا ہے کہ اسٹیٹ بینک کیساتھ اپنے گھر بنانے والوں کیلئے قرضہ اسکیم لارہے ہیں، چھوٹے کسانوں کو قرضہ جات دیئے جائیں گے، صوبوں کے ساتھ مل کر چھوٹے کاشتکاروں کیلئے کام کریں گے، مانتے ہیں تنخواہ دار طبقے پر حد سے زیادہ بوجھ پڑا، عوام کو ریلیف دینے کا سفر جاری رکھیں گے، پارلیمنٹ سے درخواست ہے اصلاحات کیلئے مطلوبہ قانون سازی کیلئے مدد فراہم کرے، ٹیکس قوانین پر عملدرآمد نہ ہوا تو 400 سے 500 ارب روپے کے اضافی ٹیکس لگانا مجبوری ہوگی، نئے بجٹ میں ٹیرف اصلاحات کی گئیں، مجموعی طور پر 7 ہزار ٹیرف لائنز میں سے 4 ہزار کو صفر کردیا گیا، اس سے برآمدات بڑھیں گی، زرعی شعبے میں کوئی اضافی ٹیکس نہیں لگایا۔ انہوں نے کہا کہ کوشش تھی جتنا ریلیف دے سکیں وہ دیں، ارکان پارلیمنٹ قانون سازی میں ہماری مدد کریں تاکہ سسٹم میں لیکیج کو روکا جا سکے۔
وفاقی وزیر خزانہ محمد اورنگزیب نے پوسٹ بجٹ پریس کانفرنس کرتے ہوئے کہا کہ پہلی بجٹ تقریر میں اسٹرکچرل ریفارمز کی بات کی، ٹیرف اصلاحات بہت اہمیت کی حامل ہیں، ٹیرف ریفارمز کیلئے پروٹیکٹڈ رجیم تبدیل کرنا ہوگی، لوگ پوچھتے ہیں ٹیرف ریفارمز سے آج کا ریونیو کم ہوجائے گا، 7 ہزار ٹیرف لائنز ہیں، 4 ہزار میں کسٹم ڈیوٹیز کو کم کیا گیا، ٹیرف رجیم کو 4 فیصد سے زائد کمی کی طرف لے کر جائیں گے۔
وفاقی وزیر خزانہ نے کہا کہ ٹیکس قوانین پر عمل نہ ہوا تو 400 سے 500 ارب روپے اضافی ٹیکس لگانا پڑیں گے، بجٹ میں ٹیرف اصلاحات کی گئیں، 7 ہزار میں سے 4 ہزار ٹیرف لائنز کو صفر کردیا، ٹیرف لائنز صفر ہونے سے برآمدات کے شعبے کو فائدہ ہوگا، زرعی شعبے میں کوئی اضافی ٹیکس نہیں لگایا گیا۔
ان کا کہنا ہے کہ کوشش تھی جتنا ہم ریلیف دے سکیں وہ دیں، دو ہی طریقے ہیں یا تو انفورسمنٹ کرلیں یا ٹیکس لگادیں، قانون سازی کیلئے دونوں ایوانوں سے بات کریں گے۔
ان کا کہنا ہے کہ وزیراعظم اور میری کوشش تھی تنخواہ دار طبقے کو ریلیف دے سکیں، کنسٹرکشن سیکٹر پر بہت بات ہورہی ہے، کوشش ہے کنسٹرکشن سیکٹر میں ٹرانزکشن سائیڈ کو کم کیا جائے، کوشش ہے کنسٹرکشن سیکٹر میں ٹرانزیکشن سائیڈ کو کم کیا جائے، فیڈرل ایکسائز ڈیوٹی میں ٹرانزیکشن سائیڈ کو کم کررہے ہیں۔
وزیر خزانہ نے کہا کہ اسٹیٹ بینک کیساتھ اپنے گھر بنانے والوں کیلئے قرضہ اسکیم لارہے ہیں، چھوٹے کسانوں کو قرضہ جات دیئے جائیں گے، کمپلائنس اینڈ انفورسمنٹ کی کل بھی بات کی، عالمی ادارے کمپلائنس اینڈ انفورسمنٹ کے نفاذ کا نہیں مان رہے تھے، عالمی ادارے کے نہ ماننے کی وجہ سے ہمیں یہ ٹیکس لگانا پڑے۔
اسلام آباد میں پریس کانفرنس کرتے ہوئے ان کا کہنا تھا کہ 2 ٹریلین روپے کی بات کی گئی، اس میں 312 ملین اضافی ٹیکس ہیں، پارلیمنٹ سے درخواست ہے مطلوبہ قانون سازی کیلئے مدد فراہم کرے۔
محمد اورنگزیب نے مزید کہا کہ تنخواہوں اور پنشن کا تعلق مہنگائی کے ساتھ ہے، تنخواہوں اور پنشن کو مہنگائی کے تناسب سے آگے لے کر جانا ہوتا ہے، تنخواہوں، پنشن سے متعلق کوئی بینچ مارک ہونا چاہیے، ساری دنیا میں مہنگائی کے مطابق تنخواہوں اور پنشن کا موازنہ کیا جاتا ہے، دیکھنا ہوگا حکومت کے اخراجات کیوں کم نہیں ہو رہے؟، ملک میں ہیڈ لائنز مہنگائی ابھی بھی 7.5فیصد ہے، کچھ اخراجات بڑھانا حکومت کی ضرورت ہے، حکومت جو بھی دے رہی ہے قرضے لے کر دے رہی ہے۔
وفاقی وزیر خزانہ محمد اورنگزیب نے مزید کہا کہ صنعتکاروں کے کہنے پر ملازمین کی کم از کم اجرت نہیں بڑھائی، تنخواہ کو مہنگائی کے تناسب سے دیکھنا چاہیے، انڈسٹری کے بھی مسائل ہیں، انڈسٹری کو کیسے آگے لے کر چلنا ہے اس پر بھی کام ہورہا ہے۔
وفاقی وزیر خزانہ کا کہنا ہے کہ حکومت زراعت کی گروتھ کیلئے بہت اہم اقدامات اٹھارہی ہے، صوبوں کے ساتھ مل کر چھوٹے کاشتکاروں کیلئے کام کریں گے، میرا بھی زراعت سے تھوڑا بہت تعلق ہے، اس وقت کئی تجاویز ایسی ہیں جن پر کام ہورہاہے، ہم مرحلہ وار ڈیجیٹل اکانومی کی طرف بڑھتے جائیں گے۔
انہوں نے کہا کہ اگست میں این ایف سی کمیشن کو بلا کر چیزوں کو دیکھا جائے گا، کوئی بھی چیز صوبوں کی مشاورت کے بغیر آگے نہیں بڑھے گی، بجٹ میں بجلی بلوں میں سرچارج کی کوئی بات نہیں کی۔
ارکان پارلیمنٹ کی تنخواہوں میں اضافے سے متعلق وزیر خزانہ کا کہنا ہے کہ آخری دفعہ وزراء، ارکان پارلیمنٹ کی تنخواہوں میں 2016ء میں اضافہ ہوا تھا، اگر ارکان پارلیمنٹ کی تنخواہوں میں اضافہ ہوتا رہے تو اچانک اتنا بڑا اضافہ نہ کرنا پڑے، ارکان پارلیمنٹ کی تنخواہوں میں 9 سال تک اضافہ نہیں ہوا تھا۔
محمد اورنگزیب نے کہا کہ سپریم کورٹ کا فیصلہ ہے، ہر صورت فیصلے پر عملدرآمد کرنا پڑے گا، میرے پاس نیشنل بینک کا معاملہ نہیں ہے، میں دیکھوں گا، عدالتی فیصلے پر عملدرآمد ہر صورت کرنا ہوگا، ہم جو کچھ بھی کررہے ہیں، وہ سب قرضے لے کر کر رہے ہیں، قرضے لے کر تو میں بہت کچھ کر سکتا ہوں۔
ان کا کہنا ہے کہ ہم مانتے ہیں تنخواہ دار طبقے پر حد سے زیادہ بوجھ پڑا، عوام کو ریلیف دینے کا سفر جاری رکھیں گے، جیسے جیسے اسپیس ملے گی، جن شعبوں پر اضافی بوجھ پڑا، انہیں ریلیف دیں گے۔
صحافیوں نے چیئرمین ایف بی آر رویے کے کیخلاف وفاقی وزیر خزانہ محمد اورنگزیب کی پوسٹ بجٹ پریس کانفرنس کا صحافیوں نے بائیکاٹ کردیا۔ وزیر خزانہ نے کہا کہ صحافی باہر گئے تھے تو میں بھی بیٹھ کر آپ کا انتظار کر رہا تھا، یہ میوچل ریسپیکٹ کی بات ہے۔
