کراچی میں بینکس سے رقم لے کر لٹنے والوں کو بچانے کے لئے ساؤتھ پولیس نے بڑا فیصلہ کیا ہے۔
کراچی ساؤتھ پولیس کی جانب سےجاری ایڈوائزری کےمطابق پانچ لاکھ یا اس سے زائد رقم نکلوانے والوں کو سیکیورٹی لینا لازم ہوگی،بینک مینجرخود متعلقہ تھانےفون کرکےپولیس بلائے، بینکس کو مووایبل بنکربنانے کی ہدایت دی گئی ہے،بینکس کے سیکیورٹی گارڈ کے لئے بلٹ پروف جیکٹ لازمی قرار دے دیا گیا ہے۔
ایڈوائزری میں کہا گیا کہ بینک میں تربیت یافتہ سیکیورٹی گارڈکی تعیناتی کی جائے، 8 میگا پکسل والے نئے کیمرے داخلی اورخارجی راستے پر بھی لگائےجائیں،غیرمتعلقہ افرادپر سخت نظر رکھی جائے،سیکیورٹی گارڈ کی تعیناتی رجسٹرڈکمپنی سے کی جائے، سرکاری چھٹیوں کے دوران بینک میں گارڈز لازمی رکھے جائیں۔
