امریکہ کے چینی طلباء کے ویزے منسوخ کیئے جانے کے بیان پر چین کی وزارت خارجہ نے باضابطہ رد عمل جاری کر دیا ہے ۔
تفصیلات کے مطابق امریکی وزیر خارجہ مارکو روبیو نے بیان جاری کرتے ہوئے کہا کہ امریکہ چینی طلباء کے ویزے منسوخ کرے گا اور خصوصی طور پر چینی کمیونسٹ پارٹی کے ساتھ منسلک طلباء کے ویزے منسوخ کیئے جائیں گے جس پر چین کی وزارت خارجہ کی جانب سے ردعمل میں کہا گیا ہے کہ چینی ویزے منسوخ کرنے کے امریکی اقدام کی مذمت کرتے ہیں ۔
چینی وزارت خارجہ کی جانب سے جاری بیان میں کہا گیاہے کہ چینی طلبا کے ویزوں کی منسوخی پر امریکا میں باضابطہ احتجاج درج کرایا ہے، امریکا ویزوں کی منسوخی کیلئے قومی سلامتی کا بہانہ بنانے سے گریز کرے، امید کرتے ہیں امریکا چین کے ساتھ مثبت اور تعمیری سمت میں آگے بڑھے گا، امید ہے امریکا ایسے اقدامات اٹھائے گا جو دنوں ملکوں کیلئے سازگار ہوں گے۔
امریکی وزیر خارجہ مارکو رروبیو کا بیان میں کہناتھا کہ اہم شعبوں میں تعلیم حاصل کرنیوالوں چینی طلبا کے ویزے منسوخ ہوں گے، چینی طلبا کیلئے ویزے کی معیار میں بھی توسیع کریں گے، آئندہ چین اور ہانگ کانگ سے آنیوالی ویزہ درخواتوں کی سخت جانچ ہوگی۔
