نیشنل الیکٹرک پاور ریگولیٹری اتھارٹی کے چیئرمین نے کہا ہےکہ فی الحال بجلی کا ریٹ اتنا ہی رہنے کا امکان ہے۔
چیئرمین محمد ادریس کی زیر صدارت قومی اسمبلی قائمہ کمیٹی پاور کے ہونے والے اجلاس میں بجلی ٹیرف اور ڈسکوز کی کارکردگی پر غور کیا گیا۔
اجلاس میں گفتگو کرتے ہوئے رانا محمد حیات نےکہا کہ کیا آئندہ مالی سال بجلی ٹیرف میں مزید کمی ہو گی،صنعتی شعبے کو 30 فیصد ریلیف دیا گیا ہے،زرعی شعبے کو کوئی ریلیف نہیں دیا گیا؟جس پرچیئرمین نیپرا نے کہا فی الحال بجلی کا ریٹ اتنا ہی رہنے کا امکان ہے۔
سیکرٹری پاورڈویژن نے کہا صنعتی شعبےکوریلیف کراس سبسڈی ختم کرنےکےباعث حاصل ہوا،بجلی شعبے کیلئے جامع منصوبہ بندی کی جا رہی ہے۔
