کویت نے بڑی خوشخبری سناتے ہوئے 19 سال بعد پاکستانی شہریوں کیلئے ویزا پابندی ختم کر دی ۔
فوکل پرسن وزارت اوورسیز پاکستانیز مصطفی ملک نے کہا کہ کویت نےورک، فیملی، وزٹ، سیاحتی اورکمرشل ویزوں کا اجرا شروع کردیا، ہزاروں پاکستانیوں کو کویت میں روزگار، تجارت اور سیاحت کے مواقع ملیں گے، یہ پاک کویت تعلقات میں ایک نئے دور کا آغاز ہے۔
مصطفیٰ ملک کا کہناتھا کہ ویزوں پر پابندی کے خاتمے کا سہرا کویتی حکومت اور وزارت اوورسیز کو جاتا ہے پاکستانی ہنر مندوں کو کویت میں روزگار ملنے سے قیمتی زرمبادلہ حاصل ہوگا ، کویتی دینار دنیا کی سب سے مضبوط کرنسی ہے ،ایک کویتی دینار 914 روپےکے برابر ہے ۔
انہوں نے کہا کہ نئی پالیسی کے تحت پاکستانی شہری فیملی وزٹ ،بزنس، ٹورسٹ اور ورک ویزا حاصل کر سکیں گے، یہ تمام ویزے آن لائن پلیٹ فارم کے ذریعے حاصل کیے جا سکتے ہیں، درخواست پر کارروائی کا وقت ایک منٹ سے 24 گھنٹے تک ہو سکتا ہے۔
