کرنسی مارکیٹس میں پاکستانی روپے کے مقابلے امریکی کرنسی ڈالر کی قیمت میں اضافہ ہوگیا۔
اسٹیٹ بینک آف پاکستان ( ایس بی پی ) کی جانب سے جاری کردہ اعداد و شمار کے مطابق کاروباری ہفتے کے دوسرے روز انٹربینک میں ڈالر کی قیمت میں 15 پیسے کا اضافہ ریکارڈ کیا گیا ہے۔
مرکزی بینک کے مطابق منگل کے روز انٹربینک میں ڈالر 15 پیسے مہنگا ہونے کے بعد 281 روپے 37 پیسے پر بند ہوا۔
دوسری جانب اوپن مارکیٹ میں بھی ڈالر کی قیمت میں اضافہ ریکارڈ کیا گیا۔
ای کیپ کے مطابق اوپن مارکیٹ میں امریکی ڈالر 22 پیسے مہنگا ہو کر 283 روپے 12 پیسے کا ہوگیا۔
