نائب وزیراعظم اسحاق ڈار کا افغان قائم مقام وزیر خارجہ امیر خان متقی سے ٹیلی فونک رابطہ ہوا ہے، دونوں رہنماؤں نے دو طرفہ تعلقات میں ہونے والی پیشرفت کی رفتار پر اطمینان کا اظہار کیا ہے۔
دونوں رہنماؤں نے 19 اپریل 2025 کو ڈی پی ایم/ ایف ایم کےدورہ افغانستان کے بعد سے دو طرفہ تعلقات میں ہونے والی پیشرفت کی رفتار پر اطمینان کا اظہار کیا،بات چیت میں تجارت، رابطے، اقتصادی تعاون، عوام سے عوام کے رابطوں، اور سیاسی مشاورتی میکانزم کو دوبارہ فعال کرنے پر توجہ دی گئی۔
دونوں فریقوں نے خطے اور اس سے باہر امن و سلامتی کو فروغ دینے کے لیے طویل المدتی تعاون کو فروغ دینے کے لیے اعلیٰ سطح رابطوں کو برقرار رکھنے کی اہمیت پر بھی اتفاق کیا۔
ڈی پی ایم/ایف ایم نے قائم مقام افغان ایف ایم کو پاکستان کے خلاف بھارت کی طرف سے حالیہ اشتعال انگیزی اور غیر قانونی اور یکطرفہ اقدامات سے بھی آگاہ کیا، امن کے لیے پاکستان کے عزم اور پاکستان کی خود مختاری کے تحفظ کا اعادہ کیا۔
قائم مقام ایف ایم متقی نے تجارت کو آسان بنانے اور سفر میں سہولت فراہم کرنے کے لیے پاکستان کے فعال اقدامات کو سراہا،اورڈی پی ایم/ایف ایم کودوبارہ افغانستان کا دورہ کرنےکی دعوت دی۔ انہوں نے پاکستان کی حکومت اور عوام کے لیے دعائیں اور نیک خواہشات کا اظہار کیا۔
