مقبوضہ جموں و کشمیر کے ضلع رامبن میں بھارتی فوج کا ایک ٹرک سڑک سے پھسل کر 600 فٹ گہری کھائی میں جا گرا جس کے نتیجے میں 3 بھارتی فوجی ہلاک ہوگئے۔
کشمیر میڈیا سروس کے مطابق یہ حادثہ بیٹری چشمہ کے قریب اس وقت پیش آیا جب ٹرک جموں سے سری نگر کی طرف جا رہا تھا۔
حکام نے بتایا کہ حادثے کی اطلاع ملتے ہی ریسکیو ٹیمیں فوری طور پر جائے وقوعہ پر پہنچیں لیکن کھائی کی گہرائی کے باعث جب تک ٹیمیں نیچے تک پہنچیں، تینوں فوجی اہلکار جان کی بازی ہار چکے تھے۔
ہلاک ہونے والوں کی شناخت امیت کمار، سوجیت کمار اور مان بہادر کے ناموں سے کی گئی ہے۔
