سپریم کورٹ نے الیکشن دھاندلی کیس میں شیر افضل مروت اور بانی پی ٹی آئی عمران خان کی درخواستیں سماعت کیلئے منظور کرلی ہیں۔
سپریم کورٹ نے دھاندلی کے خلاف درخواستوں پر رجسٹرار آفس کے اعتراضات ختم کر دیئے، پانچ رکنی آئینی بینچ نے درخواستوں پر رجسٹرار آفس کے اعتراضات ختم کردیئے
عدالت نے رجسٹرار آفس کو درخواستوں کے نمبر لگانے کا حکم دیتے ہوئے وکلاء کو آئندہ سماعت پر تیاری کر کے پیش ہونے کی ہدایت کر دی۔
اپنے مؤقف میں شیر افضل مروت کے وکیل کا کہنا تھا کہ انتظامی سائیڈ پر جوڈیشل اعتراضات کا کوئی جواز نہیں، اعتراضات ختم کئے جائیں۔
جسٹس امین الدین خان کی سربراہی میں پانچ رکنی بنچ نے اعتراضات ختم کرنے کی استدعا منظور کرکے سماعت غیر معینہ مدت تک ملتوی کر دی۔
