ترکی کے صوبے باتمان سے تعلق رکھنے والی ایک دلہن نے ایک کروڑ روپے سے زائد مالیت کا سونا اہل غزہ کیلئے عطیہ کردیا۔
ترک دلہن نے دوسروں کیلئے مثال قائم کرتے ہوئے اپنے ولیمے پر ملنے والا ایک کروڑ روپے سے زائد مالیت کا سونا غزہ کے مظلوم عوام کی مدد کیلئے عطیہ کر دیا۔
رپورٹس کے مطابق ترک دلہن کی جانب سے اہل غزہ کیلئے عطیہ کئے گئے سونے کی مالیت تقریباً 40 ہزار ڈالر یعنی ایک کروڑ 12 لاکھ روپے کے قریب ہے۔
دلہن نے اپنا نام ظاہر نہ کرنے کی درخواست کرتے ہوئے میڈیا کو بتایا کہ وہ اپنی شادی کو ایک نیک مقصد کی شروعات بنانا چاہتی ہیں تاکہ غزہ کے مظلوم عوام کی زیادہ سے زیادہ مدد ہوسکے۔
ترک دلہن نے اُمید ظاہر کرتے کہا کہ ان کا یہ اقدام دوسروں کیلئے بھی جذبہ ہمدردی اور یکجہتی کی تحریک بنے گا، خصوصاً ان حالات میں جب ”اسرائیلی‘‘ جارحیت کی وجہ سے فلسطینی عوام شدید مشکلات سے دوچار ہیں۔
واضح رہے کہ غزہ میں اب تک اسرائیلی جارحیت میں شہید ہونیوالوں کی تعداد 52 ہزار سے تجاوز کر چکی ہے۔س
