پشاور میں مہنگائی کنٹرول ہونے کا نام نہیں لے رہی، زندہ مرغی کی قیمت میں ایک مرتبہ پھر 10 روپے کلو کا اضافہ ہوگیا، گزشتہ روز 395 روپے فی کلو میں فروخت ہونیوالی مرغی آج 405 روپے میں بک رہی ہے۔
پشاور میں مہنگائی کم نہ ہوسکی، مرغی کی قیمت کو بھی ایک بار پھر پر لگ گئے، 10 روپے فی کلو مہنگی ہوگئی۔ پریشان شہری حکومت سے قیمتوں کے کنڑول کا مطالبہ کررہے ہیں۔
شہریوں نے مطالبہ کیا ہے کہ حکومت فوری طور پر نرخوں کو کنٹرول کرے تاکہ انہیں ریلیف مل سکے۔
ڈیلرز کا کہنا ہے کہ قیمتیں بڑھنے کی وجہ مصنوعی قلت ہے، جس کی وجہ سے مرغی مہنگے داموں خرید رہے ہیں، اس لیے کم قیمت پر اسے فروخت نہیں کرسکتے۔
