پاک بھارت تعلقات میں کشیدگی کے بعد بھارتی پروازوں کے لئے پاکستانی فضا کے استعمال پر پابندی لگانے سے بھارتی کئی پروازیں پاکستانی فضائی حدود استعمال نہیں کر سکیں گی۔
عالمی سطح پرپروازوں کی مانیٹرنگ کرنے والی ایک ویب سائٹ کے مطابق ہفتہ وار تین سوبھارتی پروازیں پاکستان کی فضائی حدود استعمال کرتی ہیں۔ جبکہ پی آئی اے کی پروازوں کی کوئی خاص تعداد بھارتی فضائی حدود استعمال نہیں کرتی ہیں۔ انڈیا کی یورپ اور شمالی امریکہ کے لئے ایک سوچونتیس پروازیں پاکستان کی ائیر سپیس استعمال کرتی ہیں۔سعودی عرب بحرین، متحدہ عرب امارات، کویت، اومان اور قطر کے لئے ایک سوچوالیس سے زائد پروازیں ہیں جوپاکستانی ائیرسپیس استعمال کرتی ہیں۔ اب انڈین پروازوں کوبحیرہ عرب یا وسطی ایشیا کے راستے اپنی منزل تک جانا ہو گا۔ ترجمان سی اے اے کو رابطہ کیا تو انہوں نے اس پر تبصرہ کرنے سے گریز کیا ہے۔
