مودی راج میں مسلمانوں کا احتجاج بھی جرم تصور کیا جانے لگا ہے، یو پی پولیس کی جانب سے متنازع وقف بل پر 50 سے زائد مسلمانوں کے خلاف مقدمات درج کر لیے گئے۔
بھارت میں متنازع وقف بل پر سوال اٹھانے والوں کو چُپ کروانے کی ناکام کوششیں جاری ہیں، بھارت کی ریاست اترپردیش میں مسجد کے باہر پرامن احتجاج کرنے والوں کے ساتھ دہشت گردوں جیسا سلوک کیا گیا۔
یو پی پولیس نے متنازع وقف بل پر 50 سے زائد مسلمانوں کے خلاف مقدمات درج کیے ہیں، بھارتی میڈیا کے مطابق احتجاجی ویڈیو وائرل ہونے پر یو پی پولیس نے مظاہرین پر بدترین تشدد بھی کیا۔
عدالت کی جانب سے پرامن مظاہرین کو 2 لاکھ کے ضمانتی مچلکے جمع کرنے کا حکم دیا گیا ہے، بل کے خلاف سیاہ پٹّی پہننے پر بھی مسلمانوں کو ایک لاکھ کے مچلکے جمع کروانے کی دھمکی دی گئی ہے۔
بھارت میں اقلیتوں کی آواز کو دبانا ان بی جے پی کی سرکاری پالیسی بن چکی ہے، مودی سرکار کے تحت اقلیتوں کا جینا دوبھر ہو چکا ہے، انسانی حقوق کی پامالی عروج پر ہے۔
