خالصتان تحریک کے سرکردہ رہنما اور سکھ فار جسٹس کے سربراہ گرپتونت سنگھ پنوں نے پہلگام حملے کو بھارتی خفیہ ایجنسی (را) کا فالس فلیگ آپریشن قرار دیا۔
ویڈیو پیغام میں سکھ رہنما گرپتونت سنگھ پنوں نے کہا کہ مودی کے قومی سلامتی کے مشیر اجیت ڈوول کی نگرانی میں منصوبہ بنایا گیا۔ فالس فلیگ آپریشن کو نریندر مودی اور امت شاہ کی مکمل حمایت حاصل ہے۔
سکھ رہنما گرپتونت سنگھ نے کہا کہ حملے سے کشمیر کی تحریک آزادی کو نہیں مودی سرکار کو فائدہ ہوا، جے ڈی وینس کے دورے کے دوران ایجنڈے کے تحت حملہ کروایا گیا۔ کشمیر میں استصواب رائے کیلئے سلامتی کونسل پر زور دینا چاہیے۔
واضح رہے کہ گزشتہ روز مقبوضہ کشمیر کے علاقے پہلگام میں نا معلوم افراد کے حملے میں دو غیر ملکیوں سیاحوں سمیت 26 افراد ہلاک ہوگئے۔ واقعہ سیاحتی مقام پہلگام کے ٹورسٹ ریزورٹ میں پیش آیا۔
بھارتی میڈیا کے مطابق چار افراد جنگل سے نمودار ہوئے اور اندھا دھند فائرنگ کی اور واپس جنگل میں روپوش ہوگئے۔
