شمالی وزیرستان کی ضلعی انتظامیہ نے سیکیورٹی خدشات کے پیش نظر ضلع بھر میں صبح 6 بجے سے شام 6 بجے تک کرفیو نافذ کرنے کا اعلان کیا ہے۔
ضلعی انتظامیہ کے مطابق کرفیو کا فیصلہ علاقے میں موجود سیکیورٹی خطرات کے باعث کیا گیا ہے۔
شہریوں کو ہدایت کی گئی ہے کہ وہ کرفیو کے اوقات میں مکمل تعاون کریں اور سفر کے لیے متبادل راستوں کا استعمال کریں۔ انتظامیہ نے واضح کیا کہ کرفیو کا مقصد علاقے میں امن و امان کو یقینی بنانا ہے۔
اس دوران دتہ خیل سے میران شاہ، میران شاہ سے رزمک، میران شاہ سے میر علی، اور میر علی سے بنوں تک تمام اہم شاہراہوں پر آمدورفت مکمل طور پر معطل رہے گی۔
ضلعی انتظامیہ نے شہریوں سے اپیل کی ہے کہ وہ غیر ضروری سفر سے گریز کریں اور سیکیورٹی فورسز کے ساتھ تعاون کریں۔
