کراچی میں دن کے اوقات میں ہیوی ٹریفک کے داخلے پر مکمل پابندی عائد کردی گئی۔ کمشنر کراچی نے نوٹیفکیشن جاری کردیا۔
کمشنر کراچی نے دن کے اوقات میں شہر میں ہیوی ٹریفک کے داخلے پر پابندی عائد کرتے ہوئے دفعہ 144 نافذ کردی۔ نوٹیفکیشن کے مطابق پابندی کا اطلاق تعمیراتی مال بردار ڈمپرز پر بھی ہوگا، ہیوی ٹریفک کو صبح 6 بجے سے رات 10 بجے تک شہر میں داخلے کی اجازت نہیں ہوگی۔
نوٹیفکیشن میں کہا گیا ہے کہ ہیوی ٹریفک کو سپرہائی وے سے نیو کراچی انڈسٹریل ایریا براستہ سلپ روڈ چلنے کی اجازت ہوگی، نیشنل ہائی وے سے گودام چورنگی براستہ منظر پیٹرول پمپ، یونس چورنگی، داؤد چورنگی سے جام صادق چلنے اور ناردرن بائی سے پراچہ چوک، اسٹیٹ ایونیو، سیمنز چورنگی سے گلبائی ماڑی پور روڈ پر ہیوی ٹریفک کو آمد و رفت کی اجازت ہوگی۔
کمشنر کراچی کے نوٹیفکیشن کے مطابق ہیوی ٹریفک پر شہر میں داخلہ پر پابندی ڈی آئی جی ٹریفک کی سفارش پر لگائی گئی ہے۔
