کراچی کی 10 مرکزی سڑکوں پر رکشاؤں کی آمدورفت پر دو ماہ کیلئے پابندی عائد کردی گئی جبک ہ اس حوالے سے نوٹیفکیشن بھی جاری کردیا گیا۔
کمشنر کراچی سید حسن نقوی نے ڈی آئی جی ٹریفک کی سفارش پر 144 سی آر پی سی کے تحت 14 جون تک ٹو سیٹر اور فور سیٹر موٹر کیب رکشاؤں پر پابندی کا نوٹیفکیشن جاری کیا اور پابندی کا اطلاق فوری ہوگا جبکہ خلاف ورزی پر 188 پی پی سی کے تحت کارروائی ہوگی ۔
شارع فیصل ، حسن اسکوائر ، راشد منہاس روڈ ، آئی آئی چندریگر روڈ اور شہید ملت روڈ سمیت اہم شاہراہوں پر رکشاؤں کی آمدورفت پر پابندی ہوگی ۔
کارساز ، اسٹيڈيم روڈ ، عبداللہ شاہ غازی مزار روڈ اور دیگرعلاقوں میں بھی بند رکشاؤں کی آمدورفت بند رہے گی ۔
ٹریفک پولیس نے رپورٹ میں بتایا کہ غیر مجاز اور خود ساختہ روٹس پر چلنے والے رکشے ٹریفک میں رکاوٹ بن رہے تھے۔
کمشنر نے ٹریفک پولیس کو شکایات درج کرانے اور کارروائی کا اختیار دیتے ہوئے تمام ایس ایچ اوز کو ہدایت کی کہ پابندی کی خلاف ورزی پر سخت کیا جائے گا۔
سید حسن نقوی نے رکشہ ڈرائیورز کو متبادل راستوں کا استعمال کرنے کی ہدایت کرتے ہوئے کہا کہ ٹریفک کے بہاؤ کو بہتر اور حادثات سے بچاؤ کے لیے فیصلہ کیا گیا۔
