فیفا ورلڈ کپ 2034 کی میزبانی سعودی عرب کو مل گئی۔
سعودی خبرایجنسی نےفیفا ورلڈ کپ 2034 کی میزبانی سعودی عرب کو ملنے کا دعویٰ کرتے ہوئے کہاکہ فیفا صدر نے سعودی عرب کو ورلڈ کپ میزبانی ملنے سے متعلق تصدیق کر دی ہے۔
فٹبال کی عالمی تنظیم فیفا نے ورلڈ کپ 2034 کے لیے 31 اکتوبر تک ایشیا اور اوشیانا ممالک سے بولی طلب کی تھی جس کا گزشتہ روز آخری دن تھا۔
واضح رہےکہ آسٹریلیا کی جانب سے بولی میں حصہ نہ لینے کے اعلان کے بعد سعودی عرب کو فٹبال ورلڈ کپ 2034 کی میزبانی مل گئی۔ آسٹریلیا نے اس سال خواتین کے عالمی کپ کی کامیاب میزبانی کی تھی لیکن اس نے کبھی مردوں کے عالمی کپ کی میزبانی نہیں کی۔
