پاکستان سپر لیگ سیزن 10 کو یادگار بنانے کیلئے مینجمنٹ نے شائقین کرکٹ کیلئے لاکھوں کے انعامات مختص کردیئے، ٹکٹ ہولڈرز کیلئے قرعہ انداز کی جائے گی۔
پی ایس ایل سیزن 10 کو یادگار بنانے کیلئے مینجمنٹ نے شائقین کرکٹ کو مالا مال کرنے کی ٹھان لی، شائقین کرکٹ کو اسٹیڈیم کی طرف لانے کیلئے پی ایس ایل مینجمنٹ نے حکمت عملی بنالی۔
ذرائع کا کہنا ہے کہ پی ایس ایل سیزن 10 کے ہر میچ میں لاکھوں کے انعامات شائقین کیلئے مختص کردئیے گئے، پاکستان سپر لیگ ہر میچ کے پہلے ہاف میں ٹکٹ ہولڈر شائقین کیلئے قرعہ اندازی کی جائے گی۔
ذرائع کے مطابق قرعہ اندازی کے ذریعے ٹکٹ ہولڈر شائقین کرکٹ اب موٹر سائیکل، اسمارٹ فونز اور متعدد گفٹس جیت سکیں گے۔ گزشتہ سیزنز میں شائقین کیلئے کیچ پکڑنے پر لاکھوں روپے کا کیش انعام رکھا جاتا رہا ہے۔
