پی ٹی آئی انٹراپارٹی انتخابات کیس میں پی ٹی آئی کی مزید وقت دینے کی استدعا منظور کرلی گئی۔ الیکشن کمیشن نے سماعت 22 اپریل تک ملتوی کر دی ۔
چیف الیکشن کمشنر سکندر سلطان راجا نے پی ٹی آئی وکیل سے کہا آپ نے آج دلائل دینے تھے ۔ ایک سال سے یہ کیس زیر التوا ہے ۔ ہائی کورٹ نے فیصلے سے منع کیا ہے کیس کی سماعت سے نہیں روکا ۔
بیرسٹر گوہر نے کہا میں نے ہائی کورٹ کے احکامات کی تفصیلات پیش کر دی ہیں گزارش ہے دلائل کے لئے وقت دیا جائے ۔ میرے پاس ڈاکیومنٹس ابھی موجود نہیں کچھ وقت دے دیں ۔
چیف الیکشن کمشنر نے سماعت بائیس اپریل تک ملتوی کرتے ہوئے کہا اگلی سماعت پر آپ ہر صورت تیار ہو کر آئیں ۔
