الیکشن کمیشن آف پاکستان نے سینیٹ کی خالی نشست (صوبہ سندھ کے جنرل نشست) پر ضمنی انتخاب کا شیڈول جاری کر دیا ہے۔
تفصیلات کے مطابق یہ نشست سینٹر تاج حیدر کی وفات کے باعث خالی ہوئی تھی۔ شیڈول کے مطابق انتخابی کارروائی کا آغاز 17 اپریل 2025 سے ہوگا اور پولنگ 6 مئی 2025 کو منعقد ہوگی۔
17 اپریل 2025 کو ریٹرننگ افسر پبلک نوٹس جاری کریں گے۔18 تا 19 اپریل 2025 تک کاغذاتِ نامزدگی وصولی اور جمع کروانے کے دن ہوں گے۔ 20 اپریل 2025 تک امیدواروں کی ابتدائی حتمی فہرست جاری کی جائے گی۔
22 اپریل 2025تک کاغذاتِ نامزدگی کی جانچ پڑتال کے عمل کا آغاز ہو گا، 24 اپریل 2025 تک کاغذاتِ نامزدگی کے بحال یا مسترد ہونے کے خلاف اپیلیں داخل کرنے کی آخری تاریخ ہوگی۔ 26 اپریل 2025 تک امیدواروں کی فائنل حتمی فہرست جاری کی جائے گی۔
28 اپریل 2025: اس تاریخ تک امیدوار اپنی نامزدگی سے دستبردار ہو سکتے ہیں۔6 مئی 2025 کو صوبائی اسمبلی سندھ میں پولنگ ہوگی، جو صبح 9 بجے سے شام 4 بجے تک بلا تعطل جاری رہے گی۔
الیکشن کمیشن کی جانب سے صوبائی الیکشن کمشنر سندھ کو ریٹرننگ افسر تعینات کیا گیا ہے، جبکہ پولنگ افسران کے تقرر کا بھی عمل مکمل کر لیا گیا ہے۔
