خصوصی سرمایہ کاری (ایس آئی ایف سی) کی سہولت کاری سے زرعی برآمدات میں نمایاں اضافہ ہوگیا۔
ایس آئی ایف سی کی سہولت کاری سے منڈیوں تک رسائی آسان ہوگئی،جس کے باعث زرعی برآمدات میں نمایاں اضافہ دیکھا جارہا ہے۔
پاکستان کے چین کو تل کی برآمدات میں 179 فیصد اضافہ عالمی مارکیٹ میں نمایاں پیشرفت ہے، 2025 کے پہلے دو ماہ میں 22,740 میٹرک ٹن تل چین کو برآمد کیے گئے۔
پاکستانی تل کی برآمدات میں اس نمایاں اضافے سے زرعی شعبے کو فروغ اور معیشت کو استحکام ملے گا۔
بڑھتی ہوئی برآمدات زرعی پیداوار میں بہتری، جدید کاشتکاری طریقوں اور تجارتی آسانیوں کا نتیجہ ہیں۔ تجارت میں بہتری سے غیر ملکی زرمبادلہ کے ذخائر مستحکم، معیشت کو مزید فروغ ملنے کی توقع ہے۔
ایس آئی ایف سی کی معاونت سے زرعی مصنوعات کی عالمی منڈیوں تک رسائی پاکستان کے اقتصادی استحکام میں معاون ثابت ہوگی۔
