خصوصی سرمایہ کاری سہولت کونسل (ایس آئی ایف سی) کے تعاون سے برآمدات میں اضافے کے باعث معاشی ترقی کی راہیں ہموار ہوگئیں۔
ایس آئی ایف سی کی معاونت سے چین کو تل کے بیجوں کی برآمدات میں 179 فیصد اضافہ ہوگیا، برآمدات 28 ملین ڈالر تک پہنچ گئیں۔
وزیراعظم کے برآمدی ترقی ویژن کے مطابق پاکستان کی آٹو انڈسٹری عالمی مارکیٹ میں قدم جمانے کو تیار ہے، معروف کمپنی ہونڈا نے 40 ہونڈا سٹی گاڑیوں کی پہلی کھیپ جاپان برآمد کرلی۔
مقامی آٹو مینوفیکچررز کے لیے برآمدات میں اضافے کا سنہری موقع ہے، حکومت سازگار پالیسیوں کے ساتھ پرعزم ہے، رواں مالی سال کے پہلے آٹھ ماہ میں نان ٹیکسٹائل برآمدات 2.3 فیصد اضافے کے ساتھ 9.8 بلین ڈالر تک پہنچ گئیں۔
پیٹرولیم خام تیل کی برآمدات میں 100 فیصد اضافہ، سیمنٹ 26 فیصد اور زیورات 66 فیصد کی برآمدی نمو کے ساتھ نمایاں پیشرفت ہوئی ہے۔ اس سے قبل گوادر فری زون سے برآمدات کا آغاز ہوگیا ہے، پوٹاشیم سلفیٹ کھاد کی دس ہزار ٹن سالانہ برآمد کی منظوری دیدی گئی۔
ایس آئی ایف سی کی معاونت سے گوادر زون میں سرمایہ کاری کا فروغ، 2025 میں پوٹاشیم سلفیٹ کھاد کی برآمدات 7 ملین ڈالر تک پہنچنے کا امکان ہے۔ ایس آئی ایف سی کی سہولت کاری سے برآمدات میں مسلسل اضافہ ملکی معیشت مستحکم ہونے میں مثبت پیشرفت ہے۔
