انٹرنیشنل کرکٹ کونسل ( آئی سی سی) نےٹی ٹوئنٹی پلیئرز کی رینکنگ جاری کردی۔
آئی سی سی کی ٹی ٹوئنٹی بیٹرز رینکنگ میں آسٹریلیا کے ٹریوس ہیڈ پہلی پوزیشن پربرقرار ہیں،رینکنگ میں پاکستانی بیٹر بابراعظم ایک درجے تنزلی کے بعد 8 ویں نمبر پر چلے گئے ہیں اور محمد رضوان کا 9 واں نمبر ہے۔
نیوزی لینڈ کے ٹم سیفرٹ 20 درجے ترقی کے بعد 13 ویں نمبر اور نیوزی لینڈ کے فن ایلن بھی 8 درجے ترقی کے بعد 18 ویں نمبر پر آگئے ہیں۔
ٹی ٹوئنٹی بولرز میں ویسٹ انڈیز کے عقیل حسین کا پہلا نمبر ہے جبکہ پاکستان کا کوئی بولر ٹاپ 20 میں شامل نہیں۔
حارث روف چار درجے ترقی کے بعد 26 ویں نمبر پر موجود جبکہ شاہین آفریدی کی رینکنگ میں 6 درجے تنزلی کےبعد 30 ویں نمبر پر چلے گئے۔
اس کے علاوہ ٹی ٹوئنٹی آل راؤنڈرز میں بھارت کے ہاردک پانڈیا کا پہلا نمبر برقرار ہے۔
