پاکستان ہاکی فیڈریشن نے قومی ٹیموں کے نئے مینجمنٹ پینلز کا اعلان کردیا، سینئر، جونیئر اور انڈر ایٹین ٹیموں کیلئے نئے کوچنگ اسٹاف کی منظوری دی گئی ہے۔
پی ایچ ایف کے ایڈہاک صدر کی منظوری سے نئے کوچز اور مینجمنٹ ٹیمیں مقرر کی گئی ہیں۔ اولمپئن منظور الحسن کو قومی سینئر ٹیم کا ہیڈ کوچ مقرر کیا گیا ہے۔ خواجہ جنید، وسیم احمد اور شکیل عباسی سینئر ٹیم کے کوچنگ پینل میں شامل ہیں۔ ایاز محمود کو پاکستان جونیئر ٹیم کا ہیڈ کوچ مقرر کیا گیا ہے۔ جونیئر ٹیم کے کوچنگ اسٹاف میں سمیر حسین، اظفر یعقوب اور عمران بٹ شامل ہیں۔ قمر ابراہیم کو انڈر ایٹین ٹیم کا ہیڈ کوچ مقرر کر دیا گیا ۔ ریحان بٹ، یاسر اسلام اور عمر بھٹہ یوتھ ٹیم کے کوچنگ پینل کا حصہ ہیں۔
