پاکستان کرکٹ بورڈ نے جنوبی افریقا کے آل راؤنڈر کوربن بوش کو قانونی نوٹس بھیج دیا۔
پی سی بی کے مطابق جنوبی افریقی آل راؤنڈر کوربن بوش کو ایچ بی ایل پی ایس ایل میں اپنی ذمہ داریوں کی خلاف ورزی کرنے کے سبب نوٹس بھیجا گیا ہے۔
رپورٹ کے مطابق کوربن بوش کو پشاور زلمی نے ایچ بی ایل پی ایس ایل پلیئر ڈرافٹ میں ڈائمنڈ کیٹیگری میں منتخب کیا تھا۔ پی سی بی انتظامیہ نے نوٹس میں لیگ سے ان کی علیحدگی کے اثرات اور ممکنہ نتائج کا بھی خاکہ پیش کیا ہے۔
جنوبی افریقی آل راؤنڈر کوربن بوش کو قانونی نوٹس ان ایجنٹ کے ذریعے دیا گیا ہے۔
