ایف آئی اے سائبر کرائم نے سوشل میڈیا پر پاک فوج، اداروں اور سیاسی شخصیات کے خلاف توہین آمیز پوسٹیں لگانے پر کاروائی کرتے ہوئے 7 افراد کیخلاف دو مقدمات درج کر لیئے ۔
تفصیلات کے مطابق ایف آئی اے نے دونوں مقدمات پیکا ایکٹ کے تحت درج کیئے ہیں، جن افراد کو مقدمے میں نامزد کیا گیاہے ان میں شہباز گل، عادل راجہ، وقار ملک، احمد نورانی اور شفیق الرحمان شامل ہیں۔
دوسرا مقدمہ رسول پور جٹاں کے تحسین الرحمن کیخلاف درج کیا گیا، ملزم اپنے ایکس اکاونٹ سےملکی اداروں کیخلاف توہین آمیز پوسٹیں کررہا تھا، دیگر ملزمان اپنےسوشل میڈیا پرقومی اداروں کیخلاف نازیبا اور توہین آمیزمواد اپ لوڈ کر رہے تھے۔ ایف آئی اے سائبر کرائم نے مقدمات درج کرکے تفتیش کا آغاز کردیا ۔
