وزیراعظم کی ہدایت پر کپاس کی پیداوار میں اضافے کے لیے قائم کمیٹی کا پہلا باضابطہ اجلاس ہوا، شرکا نے کپاس کی پیداوار میں کمی پر تشویش کا اظہار کیا ۔ وفاقی وزیر قومی غذائی تحفظ رانا تنویر نے یقین دلایا کہ وزارت قومی غذائی تحفظ کپاس کی پیداوار بڑھانے کے لیے ہر ممکن اقدامات کرے گی۔
ترجمان کے مطابق اجلاس کی صدارت وفاقی وزیر قومی غذائی تحفظ رانا تنویر نے کی۔۔ تمام شراکت دار اجلاس میں موجود تھے۔ انہوں نے کپاس کی پیداوار میں کمی پر سخت تشویش کا اظہار کیا۔ کپاس زونز کی کمی۔ جی ایم او بیجوں پر تحقیق کا فقدان جیسے مسائل زیربحث آئے۔
اجلاس میں جلد کاشت ممکن بنانے والی فصلوں کی حوصلہ افزائی پر بھی تبادلہ خیال کیا گیا۔ وفاقی وزیر رانا تنویر نے کپاس کی پیداوار بڑھانے کے لیے فوری حل تلاش کرنے پر زور دیا۔۔ کہا غیر معیاری بیج اور قوانین پر عملدرآمد کی کمی پیداوار بڑھانے میں بڑے چیلنجز ہیں۔ تمام اسٹیک ہولڈرز کی تجاویز کو حتمی رپورٹ میں شامل کیا جائے۔
