وزیر اعلیٰ پنجاب مریم نواز کا کہنا ہے کہ بے گھر عوام کے لئے چھت فراہم کرنے کی بہت فکر ہے۔ اپنی چھت، اپنا گھر پروگرام کے تحت لوگوں کا گھر بنتا دیکھ کر بہت خوشی ہوتی ہے۔ 5 سال میں 5 لاکھ گھر بنانے کا ہدف پورا کرنے کے لئے پرعزم ہیں۔
وزیراعلیٰ پنجاب مریم نواز کی زیر صدارت خصوصی اجلاس ہوا۔ 3 مرلہ فری پلاٹ اسکیم سے متعلق امور کا جائزہ لیا گیا ۔ پنجاب ہاؤسنگ اینڈ ٹاؤن پلاننگ ایجنسی کے ڈی جی نے تفصیلی بریفنگ دی۔
وزیراعلیٰ مریم نواز نے پنجاب ہاؤسنگ اینڈ ٹاؤن پلاننگ ایجنسی کو مارچ تک ہدف پورا کرنے کی ہدایت کی۔ فری پلاٹ حاصل کرنے والے افراد کو گھر بنانے کے لئے قرض دینے کا بھی جائزہ لیا گیا۔
وزیراعلیٰ مریم نواز نے 19 اضلاع میں پھاٹا کی سابقہ تئیس ہاؤسنگ اسکیموں کی بہتری اور بحالی کا حکم دے دیا ۔ وزیراعلیٰ نے ہاؤسنگ اسکیموں کی بحالی کے لئے فنڈز جاری کرنے کے لئے اقدامات کی ہدایت کی۔
اجلاس کو بریفنگ دی گئی کہ اپنی چھت، اپنا گھر پروگرام کے تحت قرضوں کی واپسی شروع ہوچکی ہے ۔ اب تک نو ہزار 661 گھر زیر تکمیل ہیں۔
