وزیراعظم شہبازشریف 2 روزہ دورہ آذربائیجان پر ہیں جہاں انہوں نے پاکستان آذربائیجان فورم سے خطاب بھی کیا ، ان کا کہناتھا کہ دونوں ممالک کے درمیان معاشی سرگرمیوں سے معیشت میں استحکام آئے گا، پاکستان میں غیرملکی سرمایہ کاروں کو سہولیات فراہم کر رہے ہیں۔
وزیراعظم شہباز شریف نے پاکستان آذر بائیجان بزنس فورم سے خطاب کرتے ہوئے کہا کہ دونوں ممالک کے درمیان دیرینہ تعلقات ہیں، دونوں ممالک کی قیادت کےدرمیان تعمیری بات چیت ہوئی،دونوں ممالک میں تجارت کو فروغ دیاجائےگا، 2ارب ڈالر سرمایہ کاری معاہدوں کو ایک ماہ میں حتمی شکل دینے پر اتفاق ہوا، دفاعی پیداوار کے شعبے میں تعاون کو فروغ دیا جائے گا۔
وزیراعظم شہبازشریف نے کہا کہ مختلف شعبوں میں تعاون پرآذربائیجان کی قیادت کے مشکور ہیں، دونوں ممالک کے درمیان معاشی سرگرمیوں سے معیشت میں استحکام آئے گا، پاکستان میں غیرملکی سرمایہ کاروں کو سہولیات فراہم کر رہے ہیں، نارتھ ساؤتھ راہداری کاروباری سرگرمیوں اور روابط میں معاون ثابت ہو گی، راہداری مستقبل میں گیم چینجر ثابت ہو گی، سرمایہ کاروں کو تجارتی سہولیات سے کاروباری سرگرمیوں میں اضافہ ہو گا، دونوں ممالک کی تاجر برادری کو پُرکشش مواقع سے فائدہ اُٹھانا چاہیے۔
