پنجاب حکومت نےبلیولائن میٹروٹرین پروجیکٹ کی فزیبیلٹی اورڈیزائن پرکام شروع کردیا، وزیراعلیٰ پنجاب نےوزیرٹرانسپورٹ کو جلدازجلد فزیبیلٹی اینڈ ڈیزائن کی ورکنگ مکمل کرنے کی ہدایت کر دی ۔
بلیو لائن ٹرین پروجیکٹ کا روٹ27 کلومیٹرپرمشتمل ہوگا،میٹرو پروجیکٹ کے لیے آئندہ تین سال کا ہدف مقررکیاگیا ہے،بلیولائن میٹروٹرین ویلنشیا ٹاؤن سے شروع ہوکربابو صابو چوک پہنچ کر اختتام پذیر ہوگی۔
جوہرٹاؤن،فیصل ٹاؤن،گارڈن ٹاؤن،گلبرگ مین بلیوارڈ،جیل روڈ،فیروزپور روڈ،اقبال ٹاون روٹ میں شامل ہیں،بلیو لائن ٹرین سے یومیہ 2 لاکھ 50 ہزار سے زائد مسافر سفری سہولیات حاصل کرسکیں گے،وزیر اعلیٰ پنجاب مریم نواز نے دو روز قبل بلیو لائن میٹروٹرین سروس کا اعلان کیا تھا
بلیو لائن پروجیکٹ کا تخمیہ لاگت 600 ارب سےزائد ہوسکتا ہے،فزیبیلٹی اینڈ ڈیزائن کی رپورٹ مکمل ہونےپرتخمینہ لاگت بھی واضح ہوجائے گا،،منصوبےکے لیےجدید ترین مشینری کا استعمال ہوگا،ٹنل کی کھدائی کےلیے ہیوی مشینری یومیہ 6 میٹر تک تعمیرات کرسکے گی،بلیو لائن کی فناننسگ کے لیے چین، جاپان اور فرانس کی مالیاتی فرمز نے دلچسپی کا اظہار کیا ہے۔
پنجاب حکومت نےدوبارہ جون 2024 میں ٹرانسپورٹ اسٹڈی کرائی جسکے نتیجے میں بلیو لائن روٹ ہی کو فزیبل قرار دیاگیا،بلیو لائن کا روڑ پہلی اسٹڈی میں بھی 12 کلومیٹر انڈر گراؤنڈ تھا جبکہ اب مکمل طور پر انڈر گراؤنڈ ہوگا،پنجاب ٹرانسپورٹ ڈیپارٹمنٹ نے 2016میں جاپانی ادارے جائیکا اور ترکش ادارے عثمانی نے اسٹڈی مکمل کی تھی۔
