آرمی چیف جنرل عاصم منیر برطانیہ کے سرکاری دورے پر موجود ہیں۔ جہاں انہوں نے برطانیہ کے وارمنسٹر اور لارک ہل گیریژن کا دورہ کیا۔
آئی ایس پی آر کے مطابق آرمی چیف جنرل عاصم منیر نے اپنے برطانوی ہم منصب جنرل رولینڈ واکر کی دعوت پر برٹش آرمی کے وار منسٹر اور لارک ہل گیریژنز کا فیلڈ وزٹ کیا۔
آرمی چیف کو برطانوی فوج اور ڈیپ ریکی اسٹرائیک بریگیڈ کی جدید کاری کے منصوبوں پر بریفنگ دی گئی۔
آئی ایس پی آرکے مطابق جنرل عاصم منیر نے مصنوعی ذہانت اور بغیر عملے کے نظام سمیت مختلف زیر استعمال ٹیکنالوجیز کا مشاہدہ بھی کیا۔
