آئی سی سی چیمپئنز ٹرافی کے دوسرے میچ میں بھارت اور بنگلا دیش کی ٹیمیں آج دبئی میں آمنے سامنے ہوں گی۔
بھارتی کرکٹ ٹیم کےکپتان روہت شرما نے دبئی میں پریس کانفرنس کرتے ہوئےکہا کہ انہیں کھلاڑیوں پر بھروسہ ہے،اچھا پرفارم کریں گے،ابھی ہمارا پہلے میچ پر فوکس ہے،ایک ایک میچ کرکے جیتنے کی کوشش کریں گے،آئی سی سی ٹورنامنٹس میں ہر ٹیم ایونٹ جیتنے کی سوچ رکھتی ہے۔
دوسری جانب آئی سی سی چیمپئنز ٹرافی میں اپنےدوسرے میچ کیلئےقومی کرکٹ ٹیم آج دبئی روانہ ہوگی، پاکستان کرکٹ ٹیم آج دوپہر کراچی سےدبئی جائے گا اور کل ٹریننگ سیشن میں حصہ لےگا،چیمپئنز ٹرافی کا سب سے بڑا مقابلہ پاک بھارت ٹاکرا 23 فروری کو دبئی میں کھیلا جائے گا۔
گزشتہ روز چیمپئنز ٹرافی کے پہلے میچ میں نیوزی لینڈ نے دفاعی چیمپئن اور ایونٹ کی میزبان پاکستان ٹیم کو 60 رنز سے شکست دی تھی۔
