پیٹرولیم مصنوعات کی قیمتوں میں کمی کا اعلان کردیا گیا۔
وفاقی حکومت کی جانب سے پیٹرولیم مصنوعات کی نئی قیمتوں کا اعلان کر دیا گیا ہے جس کے مطابق پیٹرول کی قیمت میں ایک روپے فی لیٹر اور ہائی اسپیڈ ڈیزل کی قیمت میں 4 روپے فی لیٹر کمی کی گئی ہے۔
وزارت خزانہ کی جانب سے جاری کردہ نوٹیفکیشن کے مطابق پیٹرول کی نئی قیمت 256 روپے 13 پیسے اور ہائی اسپیڈ ڈیزل کی نئی قیمت 263 روپے 95 پیسے فی لیٹر مقرر کی گئی ہے۔
نوٹیفکیشن کے مطابق مٹی کا تیل بھی 3 روپے 20 پیسے فی لیٹر سستا کیا گیا ہے جس کے بعد نئی قیمت 171 روپے 65 پیسے فی لیٹر ہوگئی ہے۔
لائٹ ڈیزل آئل 5 روپے 25 پیسے فی لیٹر سستا ہوا اور نئی قیمت 155 روپے 81 پیسے فی لیٹر مقرر کی گئی ہے۔
نوٹیفکیشن کے مطابق نئی قیمتوں کا اطلاق آج رات سے آئندہ 15 روز کے لیے ہوگا۔
