الیکشن کمیشن میں پاکستان پیپلز پارٹی کے انٹرا پارٹی انتخابات کیس میں پیپلز پارٹی کو جواب جمع کرانے کے لیے بارہ مارچ تک کی مہلت دیدی۔
ممبر سندھ نثار درانی کی سربراہی میں تین رکنی بینچ نے سماعت کی۔ سماعت کے دوران وکیل پیپلز پارٹی ساجد تنولی نے مؤقف اختیار کیا کہ پارٹی چیئرمین امریکا میں ہیں اور سینیٹر فاروق ایچ نائیک اپنی سینیٹ کی مصروفیات کی وجہ سے دستیاب نہیں اس لیے جواب جمع کرانے کیلئے مہلت دی جائے۔
ممبر سندھ نثار درانی نے نشاندہی کی کہ پیپلز پارٹی نے چھ جنوری دو ہزار اکیس کو انٹرا پارٹی انتخابات کرائے تھے۔ان کے انتخابات چار سال کے لیے ہوتے ہیں،چار سال میں الیکشن نہ کرانے پر شوکاز نوٹس جاری ہوا ہے۔
ممبر پنجاب نے استفسارکیا کہ جواب جمع کرانے کے لیےکتنا وقت درکار ہےجس پر وکیل پیپلز پارٹی نے مزید ایک ماہ کی مہلت کی درخواست کی۔ الیکشن کمیشن نے بارہ مارچ تک جواب جمع کرانے کا وقت دیتے ہوئے سماعت ملتوی کر دی۔
