چیمپئنز ٹرافی 2025 سے قبل ٹیموں کے پریکٹس میچز اور سیشنز کا شیڈول سامنے آ گیا۔
ذرائع کے مطابق افغانستان کی ٹیم 13 فروری کو ایل سی سی اے گراؤنڈ میں پہلا پریکٹس سیشن کرے گی اور پاکستان شاہینز اور افغانستان کے درمیان 14 فروری کو قذافی اسٹیڈیم میں پریکٹس میچ ہوگا۔
ذرائع نے بتایا کہ آسٹریلیا کا 18 فروری کو قذافی اسٹیڈیم میں انٹرا اسکواڈ سیمولیشن میچ کھیلا جائے گا جبکہ انگلینڈ اور آسٹریلیا 19 اور 20 فروری کو ایل سی سی اے گراؤنڈ میں نیٹ پریکٹس کریں گی اور 21 فروری کو قذافی اسٹیڈیم میں انگلینڈ اور آسٹریلیا کے نیٹ سیشنز شیڈول ہیں۔
افغانستان کرکٹ ٹیم 23 فروری کو ایل سی سی اے گراؤنڈ میں ٹریننگ کرے گی۔
24 اور 25 فروری کو افغانستان اور آسٹریلیا کے اسکواڈز نیٹ سیشن میں حصہ لیں گے اور 27 فروری کو آسٹریلیا اور افغانستان کی ٹیمیں قذافی اسٹیڈیم میں پریکٹس کریں گی۔
ذرائع نے مزید بتایا کہ پاکستان شاہینز کے تین سکواڈ لاہور، کراچی اور دبئی میں وارم اپ میچز کھیلیں گے جبکہ پاکستان شاہینز وارم اپ میچز کےلئے کل سے نیشنل کرکٹ اکیڈمی لاہور میں پریکٹس کرے گی۔
