بیٹیوں کیلئے وزیراعلیٰ پنجاب مریم نواز کا پیار، پنجاب دھی رانی پروگرام کے تحت 1500 اجتماعی شادیوں کا پہلا مرحلہ مکمل جبکہ دوسرے مرحلے کیلئے درخواستوں کی وصولی کا آغاز ہوگیا۔
پنجاب دھی رانی پروگرام کیلئے درخواستیں آن لائن پورٹل پر گھر بیٹھےجمع کرائی جاسکتی ہیں، درخواستیں ڈپٹی ڈائریکٹر سوشل ویلفیئر کے ضلعی آفس میں بھی جمع کرائی جاسکتی ہیں۔
اجتماعی شادیوں کی تقریب میں دولہا دلہن اور ان کے قریبی عزیز و اقارب کیلئے کھانا حکومت پنجاب کی طرف سے دیا جائے گا، اجتماعی شادیوں میں نئے شادی شدہ جوڑوں کو اے ٹی ایم کے ذریعے ایک لاکھ روپے سلامی بھی دی جائے گی، دولہا دلہن کو فرنیچر اور کپڑوں سمیت دیگر ضروری ساز و سامان کے تحائف بھی پیش کئے جائیں گے۔
وزیراعلیٰ پنجاب مریم نواز نے کہا کہ پنجاب کی ہر بیٹی سے محبت ہے، گھر بسانے پر دلی خوشی ہوتی ہے، معاشرے کے نادار طبقات کا احساس حکومت کی ذمہ داری ہے، ہر ذمہ داری اچھی طرح نبھائیں گے۔
ان کا مزید کہنا تھا کہ بیٹیوں کے سر پر دست شفقت رکھنا پنجاب کی روایت ہے۔
