پاکستان کرکٹ ٹیم کے سابق کھلاڑی محمد یوسف نے قوم سے بابر اعظم کو سپورٹ کرنے کی اپیل کردی۔
سماجی رابطے کے پلیٹ فارم ایکس پر محمد یوسف نے قومی کرکٹ ٹیم کے کپتان بابر اعظم کی حمایت میں ایک ویڈیو پیغام جاری کیا جس میں ان کا کہنا تھا کہ ہم سب کو بابراعظم کا ساتھ دینا ہوگا۔
اپنے ویڈیو پیغام میں محمد یوسف کا کہنا تھا کہ بابر اعظم کا ساتھ اس لئے دینا ہے کیونکہ وہ پاکستان کا کپتان ہے اور پاکستان کی نمائندگی کر رہا ہے۔
سابق کرکٹر کا کہنا تھا کہ ہماری ٹیم کے سارے لڑکے پاکستان کے لئے کھیلنے گئے ہوئے ہیں، کھیل میں ہار جیت ہوتی رہتی ہے مگر ہم نے ان سب کو سپورٹ کرنا ہے۔
Defeat is part of the game. The same team has done so much for Pakistan’s cricket. The boys need us now. They will bounce back with confidence & support by the nation. BACK UP OUR VERY OWN GREEN SHIRTS.
— Mohammad Yousaf (@yousaf1788) October 25, 2023
cluck the link below & watch it in full#PakistanCricketTeam #PAKvAFG
https:/ pic.twitter.com/tVHh7uzdKN
محمد یوسف کا کہنا تھا کہ اس سے پہلے بھی ہم بہت مرتبہ ورلڈ کپ ہارے ہیں، ٹھیک ہے بری پرفارمنس ہے لیکن بڑی سوچ رکھنی ہے کیونکہ اگر ہم نے اپنی سوچ بڑی نہ رکھی تو اگلے میچز میں ہماری ٹیم کے لئے مشکل ہوسکتی ہے۔
ان کا کہنا تھا کہ سوچ بڑی نہ رکھی تو ہماری ٹیم ویسے پرفارم نہیں کر سکے گی جیسے قوم نے امیدیں لگا رکھی ہیں۔
ان کا مزید کہنا تھا کہ ہم سب کو امید ہے کہ پاکستان اگلے چاروں میچز جیتے گا اور اچھے رن ریٹ سے جیتے گا تا کہ پہلی چار ٹیموں میں آجائے اس لئے ہمیں بطور کھلاڑی اور قوم کو یہی سوچ رکھنی ہوگی۔
