ضلعی انتظامیہ لاہور نے تحریک انصاف (پی ٹی آئی) کی مینارِ پاکستان پر جلسہ منعقد کرنے کی درخواست مسترد کر دی ہے۔
لاہور میں پاکستان تحریک انصاف (پی ٹی آئی) کی جانب سے 8 فروری کو مینارِ پاکستان پر جلسہ منعقد کرنے کی درخواست ڈی سی آفس میں جمع کرائی گئی تھی، جو تحریک انصاف (پی ٹی آئی) کی چیف آرگنائزر پنجاب عالیہ حمزہ کی طرف سے دائر کی گئی تھی۔ تاہم ضلعی انتظامیہ کی جانب سے باقاعدہ نوٹی فکیشن جاری کر کے جلسے کی اجازت نہ دینے کا فیصلہ سنا دیا۔
ڈپٹی کمشنر (ڈی سی) لاہور سید موسیٰ رضا نے مختلف وجوہات کی بنا پر جلسے کی اجازت دینے سے انکار کیا ہےاور کہاکہ امن و امان کی صورتحال کو برقرار رکھنے کے لیے جلسے کی اجازت نہیں دی جا سکتی،ضلعی انتظامیہ کے جواب میں پی ٹی آئی رہنماؤں کا کہنا ہے کہ وہ قانونی راستہ اختیار کریں گے اور جلسے کے انعقاد کے لیے مزید اقدامات کریں گے۔
ضلعی انتظامیہ لاہور کی جانب سے جاری کئے گئے نوٹی فکیشن کے مطابق ماضی میں بھی پاکستان تحریک انصاف(پی ٹی آئی ) کی جانب سے نو مئی سمیت مختلف سیاسی اجتماعات پر گالم گلوچ اور نازیبا زبان کا استعمال کیا گیا جوڈیشری اور حکومت کے خلاف بیانات دیے گئے ہیں۔
جاری کئے گئے نوٹی فکیشن کے مطابق سیکیورٹی وجوہات اور تھریٹس کی وجہ سے جلسے کی اجازت نہیں دی جا سکتی، لاہور میں ٹرائینیشن سیریز فیس فیسٹیول ہورس اینڈ کیٹل شو سمیت دیگر اہم ایونٹس چل رہے ہیں جس کی سکیورٹی کے لیے نفری کی تعیناتی کی گئی ہے جن وجوہات پر جلسے کی اجازت نہیں دی جا سکتی۔
ضلعی انتظامیہ لاہور کی جانب سے جاری کئے گئے نوٹی فکیشن میں مزید لکھا گیا ہے کہ لاہور میں سکیورٹی کے لیے پہلے ہی رینجرز اور ارمی کی خدمات لی گئی ہیں غیر ملکی مہمانوں کی سخت سکیورٹی وجوہات پر جلسے کے لیے اضافی نفری فراہم نہیں کر سکتے۔
