پاکستان سپر لیگ (پی ایس ایل) کے 10ویں ایڈیشن کیلئے لوگو کی رونمائی کردی گئی۔
پی سی بی کی جانب سے جاری کردہ اعلامیے میں کہا گیا ہے کہ اگلا ایڈیشن 10 سال مکمل کریگا جو ہمارے لیے ایک اعزاز ہے۔
پی ایس ایل کے نئے لوگو میں ایکس (رومن نمبر 10) کی شکل دی گئی ہے، اس کا نمایاں عنصر 6 بولڈ لائنز ہیں جو ایک دوسرے سے جڑی ہوئی ہیں اور فرنچائزز کی نمائندگی کرتی ہیں۔
پی ایس ایل کے چیف ایگزیکٹیو سلمان نصیر کا کہنا ہے کہ پاکستان سپر لیگ صرف ایک لیگ نہیں بلکہ قومی جذبے کی آئینہ دار ہے، جو قوم کی نمائندگی کرتی ہے۔
ایل پی ایس ایل کے 10ویں ایڈیشن میں شائقین کو کرکٹ کے یادگار لمحات سے لطف اندوز ہونے کا موقع ملے گا۔
واضح رہے کہ پی ایس ایل کا 10واں ایڈیشن 8 اپریل سے 19 مئی 2025ء تک منعقد ہوگا۔
پی ایس ایل کیلئے ڈرافٹنگ جنوری کے پہلے ہفتے میں منعقد کی گئی تھی، جس میں درجنوں غیر ملکی پلیئرز نے شمولیت کی خواہش کا اظہار کیا، فرنچائزز نے اپنے پسندیدہ غیر ملکی کھلاڑیوں کو ٹیم میں شامل کرلیا۔
