پاکستان شوبز انڈسٹری کی خوبرو اداکارہ و ماڈل دعا زہرہ نے کھلےعام قومی ٹیم کے سابق کپتان بابراعظم سے محبت کا اظہار کردیا۔
نجی ٹی وی کے پروگرام ’’دی نائٹ شو ود ایاز سمو‘‘ میں گفتگو کرتے ہوئے خوبرو ماڈل و اداکارہ دعا زہرہ نے اقرار کیا کہ وہ قومی ٹیم کے مڈل آرڈر بیٹر اور سابق کپتان بابراعظم سے محبت کرتی ہیں۔
اداکارہ نے کہا کہ کہ انہیں پاکستانی ٹیم میں بابراعظم پر زبردست کرش ہے اور میں بابر پر کی جانے والی ٹرولنگ کو ناپسند کرتی ہوں،
دعا زہرہ نے ناقدین پر زور دیا کہ وہ سابق کپتان کی تذلیل کرنے سے گریز کریں۔ انہوں نے یہ بھی کہا کہ مجھے کسی دوسرے کرکٹر میں دلچسپی نہیں ہے۔
گزشتہ برس شوبز انڈسٹری کی ایک اور اداکارہ نازش جہانگیر نے انسٹاگرام پر سوال جواب کا لائیو سیشن رکھا تھا جس پر ایک مداح نے سوال کیا تھا کہ اگر بابراعظم آپ کو شادی کی پیشکش کریں تو آپ کا جواب کیا ہوگا؟۔ جس پر نازش جہانگیر نے کہا تھا میں معذرت ہی کروں گی۔
اس جواب پر سابق کپتان کے فینز آگ بگولہ ہوگئے تھے اور اداکارہ کو سوشل میڈیا پر کافی ٹرول کیا گیا تھا۔
