پاکستان میں ای وی چارجنگ اسٹیشنز اور ای وی انڈسٹری کے فروغ کے لیے پہلی بار قوانین کا نفاذ کیا گیا ہے۔
ایس آئی ایف سی کی معاونت سے پاکستان نے 2030 تک 30 فیصد گاڑیاں برقی توانائی پر چلانے کا عزم کیا ہے، جبکہ ای وی انفراسٹرکچر کی ترقی میں ا ی وی گاڑیوں، موٹرسائیکلوں اور چارجنگ اسٹیشنز کا قیام شامل ہے۔
وزیر اعظم نے ای وی چارجنگ اسٹیشنز کے لیے بجلی کے نرخوں میں 44 فیصد کمی کا اعلان کیا ہے، چارجنگ اسٹیشنز کے لیے 15 دن کی تیز رجسٹریشن کا عمل، ملکی و غیر ملکی سرمایہ کاروں کے لیے معاون ثابت ہوگا۔
10 ملین موٹرسائیکلوں کی ای وی پر تبدیلی سے سالانہ 6 ارب ڈالر کی بچت ہوگی، جبکہ ای وی ٹیکنالوجی اپنانے سے مقامی صنعت کو فروغ ملے گا اور غیر ملکی زرِ مبادلہ کی بچت ہوگی۔
ای وی انفراسٹرکچر کے قیام سے کاربن اخراج میں کمی کے باعث ماحولیاتی بہتری متوقع ہے، جبکہ ایس آئی ایف سی اور حکومتی اقدامات سے برقی گاڑیوں کی مقبولیت میں اضافہ ہوا ہے جو کہ ماحول کی بہتری کی جانب اہم قدم ہے۔
