قومی ٹیم کی سلیکشن کمیٹی کے ممبر اسد شفیق نے کہاہے کہ آئی سی سی ایونٹ میں پریشر ہوتا ہے،تجربے کار کھلاڑی سے کپتان کو فائدہ ہوگا، فخر کی صحت کے کچھ مسائل تھے مگر اب وہ فٹ ہیں۔
تفصیلات کے مطابق اسد شفیق نے کہا کہ فخرزمان کے ساتھ اوپننگ کا فیصلہ سلیکشن کمیٹی کنڈیشن دیکھ کر کرےگی، جب بھی صائم ایوب فٹ ہوگا وہ پاکستان ٹیم میں کم بیک کرے گا، سعود شکیل کی ٹیسٹ اور لسٹ اے کی پرفارمنس بہترین ہیں، سعود بطور اوپنر اور بطور مڈل آرڈر بھی کھیل سکتا ہے، پاکستان میں آئی سی سی ایونٹ کا انعقاد خوش آئند ہے۔
پاکستان کی 15 رکنی سکواڈ میں بابر اعظم، فخر زمان، کامران غلام، سعود شکیل، طیب طاہر ، فہیم اشرف ، خوشدل شاہ ، سلمان علی آغا ، محمد رضوان (کپتان)، عثمان خان ابرار احمد، حارث رؤف، محمد حسنین، نسیم شاہ، شاہین شاہ آفریدی شامل ہیں ۔
