چیمپیئنز ٹرافی کے ٹکٹس تیزی سے فروخت ہونے لگے، پاکستان نیوزی لینڈ کے درمیان افتتاحی میچ کے تمام آن لائن ٹکٹس بُک ہوگئے۔ قذافی اسٹیڈیم میں تیاریوں کا آخری مرحلہ جاری ہے، نئے انکلوژرز کو سابق کپتانوں سے منسوب کردیا گیا۔
آئی سی سی چیمپئنز ٹرافی کا آغاز 19 فروری سے پاکستان میں ہورہا ہے، جس کیلئے ٹکٹس کی فروخت کا آغاز کردیا گیا ہے، شائقین کی جانب سے ٹکٹس کی بکنگ زور و شور سے جاری ہے۔
تازہ اطلاعات کے مطابق پاکستان اور نیوزی لینڈ کے میچ کے تمام آن لائن ٹکٹس فروخت ہوچکے ہیں، گروپ اسٹیج کے ٹکٹ کی کم سے کم قیمت ایک ہزار روپے رکھی گئی ہے، سیمی فائنل کیلئے سستا ترین ٹکٹ ڈھائی ہزار روپے میں دستیاب ہے۔
دوسری جانب قذافی اسٹیڈیم لاہور میگا ایونٹ کیلئے تیاری کے آخری مراحل میں ہے، نئے انکلوژرز کو سابق کپتانوں سے منسوب کردیا گیا ہے جبکہ کراچی اور راولپنڈی کے کرکٹ اسٹیڈیم بھی تیاری کے قریب ہیں۔
