صدر مملکت نے اسلامی نظریاتی کونسل میں 4 اراکین کی تعیناتی کی منظوری دے دی، جس کے بعد ارکان کی تقرری کا عمل مکمل ہوگیا، اراکین کی تعداد 20 ہوگئی۔
ترجمان اسلامی نظریاتی کونسل کے مطابق رانا شفیق پسروری کو مزید 3 سال کیلئے کونسل کا رکن نامزد کیا گیا، صاحبزادہ حافظ امجد، سید سعید الحسن اور سید عتیق الرحمان بخاری بھی سی آئی آئی کے رکن تعینات کردیئے گئے ہیں۔
ترجمان کے مطابق وفاقی وزارت قانون سے نئے اراکین کی تعیناتی کا نوٹیفکیشن بھی جاری ہوگیا، چاروں اراکین کی تعیناتی 3 سال کیلئے کی گئی ہے۔
صدر مملکت آصف زرداری کی منظوری کے بعد اسلامی نظریاتی کونسل کے اراکین کی تعداد 20 ہوگئی ہے۔
