پاکستان کا دسمبر 2024 کرنٹ اکاؤنٹ سرپلس 582 ملین ڈالر تک جا پہنچا جس کو ماہرین ملکی معیشت میں نئے انقلاب کی علامت قرار دے رہے ہیں۔
پاکستان کا گزشتہ ماہ دسمبر 2024 میں کرنٹ اکاؤنٹ سرپلس ریکارڈ 582 ملین ڈالر تک جا پہنچا۔ ایس آئی ایف سی کا تعاون اور ترسیلاتِ زر میں اضافے سے کرنٹ اکاؤنٹ سر پلس میں بہتری آئی اور ماہرین اس کو ملکی معیشت میں نئے انقلاب کی علامت قرار دے رہے ہیں۔
رپورٹ کے مطابق پاکستان کا کرنٹ اکاؤنٹ سرپلس دسمبر2024 میں 109 فیصد کے اضافے کے ساتھ 582 ملین ڈالر تک پہنچا اور یہ گزشتہ سال کے 279 ملین ڈالر کے سرپلس کے مقابلے میں کرنٹ اکاؤنٹ سرپلس کی پانچویں ماہ کی مسلسل کامیابی ہے۔
بیرون ملک مقیم پاکستانیوں کی ترسیلات زر دسمبر 2024 میں 3.079 ارب ڈالر رہیں جو گزشتہ سال کے مقابلے میں 29 فیصد زائد رہیں جب کہ اسی ماہ پاکستان کی برآمدات 3.838 ارب ڈالر رہیں جو پچھلے سال کے مقابلے میں 9 فیصد اضافی ہیں۔ پاکستان کا مجموعی کرنٹ اکاؤنٹ سرپلس جولائی سے دسمبر کے دوران 1.21 بلین ڈالر تک رہا۔
پاکستان کا کرنٹ اکاؤنٹ سرپلس، ترسیلات زر میں اضافے کے ساتھ ساتھ تجارتی توازن میں بہتری کا نتیجہ ہے۔ ترسیلات زر کا پاکستان کی معیشت کیلیے مستحکم ستون، مالی استحکام، معاشی ترقی اورغربت کے خاتمے میں اہم کردار ہے اور ایس آئی ایف سی کی موثر پالیسیوں سے برآمدات اور ترسیلات زر میں اضافہ، کرنٹ اکاؤنٹ سرپلس کا نیا سنگ میل ہے۔
