ضلع کرم میں امن ومان کی بحالی کےلیے تشکیل کردہ جرگہ عمائدین نے وزیراعظم اور وزیراعلیٰ سمیت دیگر حکام کو خط لکھ آگاہ کیا ہے کہ کرم میں کھانے پینے کی اشیا اور ادویات کی شدید قلت کے باعث اموات بڑھ رہی ہیں، مستقل بنیادوں پر قافلوں کا بندوبست کیا جائے۔
خط کے مطابق کوہاٹ میں کامیاب جرگہ پر دستخط کے بعد عمل درآمد کےلئےکُرم میں موجود ہیں، ضلع کُرم میں اشیاء ضروریہ، تیل، گیس، ادویات کی شدید قلت ہیں، ادویات نہ ہونے سے اموات میں اضافہ ہو رہا ہے، مستقل بنیادوں پر قافلوں کا بندوبست کیا جائے۔
مشران کا کہنا ہے کہ کرم میں بڑی تعداد میں پھنسے لوگ موجود ہیں جودوسرےعلاقوں میں ضروری سفرکرناچاہتے ہیں، بگن بازار میں لوگ شدید سردی میں سڑکوں پر احتجاج کر رہے ہیں، بگن کے عوام کے گھر اور بازار جلے ہوئے ہیں جس کی فلفور آبادکاری کی جائے۔
دوسری جانب تاجر رہنما نذیر احمد نے الزام لگایا کہ بگن میں لوٹا گیا سامان منڈی میں بک رہا ہے، شرپسندوں کے خلاف کارروائی کی جائے۔
صورتحال کے پیش نظر محکمہ صحت کی جانب سے ادویات کی کھیپ اپرکرم روانہ کردی گئی، سیکرٹری ہیلتھ خیبرپختونخوا کے مطابق یہ ادویات ایم ایس پاراچنارکوایمرجنسی صورتحال سےنمٹنےکیلئےحوالےکی جارہی ہیں، ادویات حکومت خیبرپختونخوا کےسرکاری ہیلی کاپٹرپرپہنچائی جارہی ہیں۔
