سربراہ جمعیت علماء اسلام مولانا فضل لرحمان کا کہنا ہے کہ کرم میں آپریشن نہیں جرگہ کے ذریعے مسائل حل کیے جائیں۔
مردان میں ایک اجتماع سے خطاب میں مولانا فضل لرحمان نے کہا کہ صوبےمیں حکومت کی کوئی رٹ نہیں ہے، کُرم میں یکطرفہ فیصلے حل نہیں، قبائل کوملاکرمسائل جرگے سے حل ہوں گے۔
مولانا فضل الرحمن کا کا کہنا ہے کہ پی ٹی آئی پہلے مذاکرات کی مخالف تھی، اب انھیں سمجھ آگیا ہے کہ حکومت سے مذاکرات کیئے جائیں گے اگرچہ کوئی پیشرفت نظر نہیں آتی لیکن اس سے سیاسی ماحول بہتر ہوتو ہم اس کی کامیابی کے حامی ہیں۔ آج بھی پی ٹی آئی سمیت ہر سیاسی جماعت سے مسائل کے حل کےلئے بات کرنے کوتیارہیں۔
مولانا فضل الرحمن نے مزید کہا کہ پی ٹی آئی میں ہر کسی کا اپنا بیانیہ ہے، صوبےمیں حکومت کی کوئی رٹ نہیں ہے، کچھ لوگوں کو کرسیوں پر بیٹھایا گیا ہے، کرپشن اور لوٹ مار کا بازار گرم ہے۔
واضح رہے کہ لوئر کرم میں تجارتی قافلے پر فائرنگ اور اہلکاروں کی شہادت کے بعد علاقے سرچ آپریشن شروع ہوگیا ہے، بگن میں کرفیو نافذ کردیا گیا ہے ۔ پولیس ذرائع کے مطابق فورسز نے پہاڑوں پر دہشتگردوں کے مورچوں کا کنٹرول سنبھال لیا ہے، آج رات تک دیگرعلاقوں میں بھی سرچ آپریشن متوقع ہے، آپریشن دہشتگردوں اور لوٹ مار میں ملوث افراد کے خلاف کیا جارہا ہے۔
